नन्दकिशोर पुन पासाङ्ग यिनको जन्म २०२२ साल कात्तिक ७ गते रोल्पामा भएको हो । गणतन्त्रनेपालको दोस्रो उपराष्ट्रपति तथा एकीकृत नेकपा माओवादीका स्थायी समिति सदस्य हुन् । उनी माओवादीको १० वर्षे जनयुद्धमा माओवादीले तयार गरेको जनमुक्ति सेना, नेपालको कमान्डर पनि रहेका थिए । उनीसंसद भवनमा भएको निर्वाचनमा नेपाली काँग्रेसका सांसद् अमियकुमार यादवलाई पराजित गरी उपराष्ट्रपतिमा निर्वाचित भएका थिए। उपराष्ट्रपति चुनावमा ५४७ मत मध्य उनलाई ३२५ मत प्राप्त भएको थियो । संसद भवनमा सभामुखओनसरी घर्तिमगरले उनलाई उपराष्ट्रपति भएको घोषणा गरेकी थिइन् [२][३]
व्यक्तिगत जीवनी
[सम्पादन गर्नुहोस्]
यिनको जन्म २०२२ साल कात्तिक ७ गते रोल्पामा भएको हो । यिनी आमा मनसरा पुन र बुवा रामसुर पुन काे जेठा छोरा हुन् । उनी गाउको सामान्य परिवारमा उनको जन्म भएको थियो । उनले तीन कक्षा सम्म गाऊंकै प्राथमिक विद्यालयमा अध्ययन गरेका हुन् । ६ कक्षामा पढ्दै गर्दा २०३७ सालमा मोहन विक्रम सिंहले नेतृत्व गरेको तात्कालिन नेकपा चौथौ सम्वद्ध अखिल छैठौंको इकाई अध्यक्ष भएर उनले काम गरेका थिए । उनको राजनीतिक यात्रा यही समयबाट नै शुरु भएको थियो ।
राजनीतिक जीवन
[सम्पादन गर्नुहोस्]
- उनी २०५१ मा वाइसीएलको जिल्ला अध्यक्ष भएका थिए ।
- उनी २०५२ सालमा स्क्वाडको कमाण्डर भएर काम गरेका थिए ।
- २०५२ साल फागुन १ गतेको होलेरी चौकी कारवाहीका भाइस कमाण्ड बनेका पुन शान्ति प्रक्रियासम्म आइपुग्दा जनमुक्ति सेनाको डेपुटी कमाण्डर बनेर काम गदै थिए ।
- उनको नेतृत्वमा झण्डै दुई दर्जन फौजी कारवाही माओवादी राजनीतिका लागि महत्त्वपूर्ण बनेका थिए ।
- उनले महत,घर्तीगाऊं,तकसेरा,पांचकटिया,दुनै,रुकुमकोट, होलेरी, घोराही, मंगलसेन,जुम्ला, सन्धिखर्क,बेनी जस्ता फौजी कारवाहीको कमाण्डर बनेर उनले आफ्नो भुमिका निभाएका थिए ।
- उनी माओवादीकोे शसस्त्र संर्घष थालेसंगै उनी फौजी भुमिकामा रहेर काम गरेका थिए ।
वैवाहिक जीवन
[सम्पादन गर्नुहोस्]
२०३९ सालमा अध्ययन गर्ने क्रममानै उनले हस्तमाली पुनसँग प्रेम विवाह गरेका थिए ।
शिक्षा र पुरस्कार
[सम्पादन गर्नुहोस्]
- उनले तीन कक्षा सम्म गाऊंकै प्राथमिक विद्यालयमा अध्ययन गरेका थिए ।
- उनले ६ कक्षामा पढ्दै गर्दा राजनीतिमा पनि मा गदै थिए ।
- ७ कक्षा उत्तिर्ण गरेपछि रोल्पाको सदरमुकाम लिवाङबाट मावि स्तरको पढाई सकेका हुन् ।
- उनले कम्युनिष्ट किल्लाका रूपमा परिचित थवाङको विद्यालयबाट २०४२ सालमा एसएलसी उर्तिण गरेका हुन् ।
सन्दर्भ सामग्री
[सम्पादन गर्नुहोस्]
बाह्य कडीहरू
[सम्पादन गर्नुहोस्]